【颱風樺加沙襲港】如何保護流浪動物？4大貼心行動防止受傷走失

By Amber Teng on 23 Sep 2025

着超強颱風「樺加沙」步步迫近香港🌀，全城進入最高戒備。除咗保障市民自身安全，流浪動物同待領養動物嘅處境同樣令人憂心。強風暴雨下，牠哋可能面臨走失、受傷，甚至失救嘅風險。要點樣幫助牠哋安全渡過風暴？本文整理咗4大實用行動，提醒大家颱風期間如何守護動物，避免悲劇發生。

Photo from 示意圖

為咗幫助動物渡過風暴，以下 4 個行動建議，值得大家留意👇

1. 提前留意動物醫院及診所安排
在颱風襲港前，市民應該先了解各區動物醫院同診所嘅開放情況。萬一遇到動物受傷，能夠即時帶牠求醫，減少延誤治療。特別係需要處理緊急個案嘅時候，掌握醫療資源非常重要
2. 提供安全室內避風環境
郊區或工業區經常出現所謂嘅「貨倉狗」、「車場狗」。佢哋多數長期棲身戶外，暴雨狂風下極容易受傷。颱風期間，若條件許可，照顧者或熱心市民應該安排安全室內空間，讓牠哋短暫避難，避免直接暴露喺惡劣天氣之中。
3. 留意路面情況減速駕駛
大風大雨容易令動物受驚亂跑，增加交通意外風險。如市民不得不外出駕車，務必減速慢行，避免撞及路面上嘅貓狗。同時，若遇到有需要幫助嘅動物，亦希望大家伸出援手，避免牠哋因受傷或受困而失救。
4. 協助走失動物尋回主人
風暴中，不單止流浪動物，已經有家嘅寵物亦可能因為受驚而走失。遇上走失狗狗或貓咪時，可先安排牠們暫避於安全室內，並透過網上平台或社區群組發布訊息。同時，亦可以帶動物到就近診所掃描晶片，盡快幫助牠哋與主人團聚。